English Kërko demo

Fiskalizimi në AZkont.

Çdo shitje del me kupon fiskal që nënshkruhet në arkë dhe dërgohet te ATK. Këtu shpjegojmë si bëhet, çfarë përmban kuponi dhe çfarë ndodh kur bie interneti.

AZkont është softuer elektronik fiskal (SEF) i certifikuar nga ATK më 5 tetor 2026, zhvilluar nga Azkont Solutions L.L.C., Prizren, Kosovë.

Shiko regjistrin e ATK-së Kur bie interneti

Nga «Paguaj» te ATK.

Arkëtari mbyll shitjen si zakonisht. Pjesa tjetër bëhet vetë, në çast kur ka internet.

  1. Arkëtari mbyll shitjen

    Artikujt, sasia dhe mënyra e pagesës regjistrohen. Pagesa mund të jetë kesh, kartë, celular ose e ndarë.

  2. Kuponi nënshkruhet në arkë

    Kuponi merr NUIKF-në, numrin rendor dhe numrin ditor, dhe nënshkruhet në pajisje para se të dalë.

  3. Dërgohet te ATK

    Transmetimi bëhet në momentin e pagesës. Statusi i kuponit shihet në arkë dhe në panel.

  4. Printohet me kod QR

    Klienti merr kuponin në letër ose elektronikisht, me kod QR për verifikim.

  5. Shihet në panel

    Pronari sheh statusin e çdo kuponi, Fiskalizuar ose Në pritje, pa qenë te arka.

Çka ka në kupon

Shembull i kuponit që lëshon AZkont, me të dhëna fiktive.

Tatimpaguesi dhe njësia
Emri i biznesit, njësia, adresa, vendi dhe NF-NUI-ja, ashtu si janë regjistruar te ATK.
Emri i punëtorit
Kush e lëshoi kuponin. Çdo arkëtar hyn me PIN-in e vet.
Artikujt me shkronjën e TVSH-së
Çdo rresht mban shkronjën e normës: E për 18%, D për 8% dhe A për artikujt e liruar. Te bizneset që nuk janë në TVSH, çdo rresht ka shkronjën C.
Totali dhe pagesa
Totali për pagesë, mënyra e pagesës dhe numri i artikujve. Te bizneset në TVSH, edhe TVSH-ja sipas normës dhe totali pa TVSH.
NUIKF dhe numrat e kuponit
Numri unik i identifikimit të kuponit fiskal, numri rendor, numri identifikues i SEF dhe numri i kuponit fiskal ditor.
Kodi QR
Me të, klienti ose inspektori e verifikon kuponin te ATK.

Kur bie interneti, arka nuk ndalet.

AZkont punon në pajisje. Interneti duhet vetëm për t’i dërguar kuponët, dhe ata dërgohen vetë kur lidhja kthehet.

  1. Me internet

    Shitja fiskalizohet në çast dhe kuponi printohet me kod QR.

  2. Lidhja bie

    Arka e kupton vetë dhe e tregon në krye të ekranit.

  3. Shitja vazhdon

    Kuponi printohet me shenjën OFFLINE. Arkëtari nuk bën asgjë ndryshe.

  4. Shitjet ruhen

    Çdo shitje ruhet në arkë, në bazë të enkriptuar, edhe nëse programi mbyllet.

  5. Lidhja kthehet

    Arka i dërgon kuponët te ATK me radhë, pa ndërhyrje.

  6. Sinkronizimi

    Kuponët dalin të fiskalizuar në panel, me numrat që janë printuar.

Vija e ndërprerë shënon kohën pa internet.

Pa lidhje rrjeti

Kuponët ruhen në arkë dhe dërgohen automatikisht te ATK kur lidhja kthehet.

Afati ligjor

Kuponët e lëshuar pa internet duhet t’i dorëzohen ATK-së brenda 48 orëve nga ndërprerja e lidhjes, sipas nenit 44 të Udhëzimit Administrativ (MF) Nr. 01/2026. Kjo është detyrë e biznesit, prandaj programi ju paralajmëron kur lidhja mungon gjatë dhe ju kërkon ta riktheni sa më shpejt.

Kthimet, blloku dhe mbyllja e ditës.

Çdo shitje kalon nëpër të njëjtat hapa, me internet ose pa të, deri te zyra e kontabilitetit.

Fjalorth

Termat që përdorim në këtë faqe, gjithmonë me të njëjtin kuptim.

SEF
Softuer elektronik fiskal: program i certifikuar nga ATK që lëshon kuponë fiskalë pa pajisje të veçantë fiskale. AZkont është SEF.
PEF
Pajisje elektronike fiskale: arka fiskale fizike, me memorien e vet fiskale.
Kupon fiskal
Dëshmia e shitjes që lëshohet për klientin dhe dërgohet te ATK.
NUIKF
Numri unik i identifikimit të kuponit fiskal. Çdo kupon ka të vetin.
Kodi unik i fiskalizimit
Kodi që ATK e lëshon përmes «Kërkesës për Fiskalizim» në EDI. Kërkohet për ta përdorur një SEF.
EDI
Sistemi elektronik i ATK-së për deklarime dhe kërkesa të tatimpaguesve.
Blloku tatimor
Blloku në letër që përdoret kur arka nuk mund të punojë fare. Kuponët e tij regjistrohen më vonë në program.

I certifikuar nga ATK.

AZkont është në regjistrin publik të softuerëve elektronikë fiskalë të certifikuar nga Administrata Tatimore e Kosovës. Certifikimin mund ta kontrolloni vetë.

Shiko regjistrin e ATK-së Kërko demo
Kompania
Azkont Solutions L.L.C.
Emri i SEF
AZKONT
Nr. i SEF
882530661821
Platformat
Windows, macOS, Android dhe iOS
Data e certifikimit
5 tetor 2026
Statusi
I certifikuar